Pretendemos ao longo do curso, continuar con diversas actividades relacionadas coa alimentación, sempre buscando no noso alumnado unha actitude crítica, aprendendo a comer alimentos saudables, experimentando con novos sabores, etc.
Inmersos como estamos nun proxecto sobre os contos, aproveitaremos algúns destes para fomentar no alumnado certas actitudes relacionadas co consumo, a alimentación, o ocio, a saúde, etc.
Un aspecto que ata agora non tocamos na Educación do Consumidor e para a Saúde é o ocio. Este curso imos facer propostas de ocio saudable e económico, algunhas descoñecidas, ou polo menos pouco practicadas polos nosos rapaces e rapazas.
En suma, pretendemos, a través da transversalidade, que o noso alumnado vaia tendo actitudes de Consumo Responsable, é dicir, cambiar os seus hábitos de consumo, axustándoos ás necesidades reais, e optando no mercado por opcións que favorezan a saúde, a conservación do medio ambiente e a igualdade social.
No hay comentarios:
Publicar un comentario